Rennsli Skaftár við Sveinstind fer nú mjög minnkandi og var nærri 400 m3/s á hádegi í gær en mældist laust eftir miðnætti um 250 m³/s. Rennsli í byggð fer einnig minnkandi og mun draga úr vatnsmagni í Skaftá næstu daga. Um klukkan eitt í nótt mældist rennsli um 250 m³/s í Eldvatni við Ása.

Í tilkynningu á vef Veðurstofu Íslands, sem rituð var laust eftir klukkan 1 í nótt, kemur fram að vatn flæðir út á Eldhraun við Ása og þaðan skilar það sér í Grenlæk og Tungulæk og stendur vatnshæð þar hátt. Rennsli í Grenlæk og Tungulæk minnkar um helming á um það bil 7-10 dögum eftir hlaup þar til það nær jafnvægi. 

Vatn flæðir enn yfir þjóðveginn og er hann lokaður. Umferð er beint um Meðallandsveg.

Tengdar fréttir

Skaftárhlaup í ágúst 2018

Óvissustigi vegna Skaftárhlaups aflétt

• Veðurstofan segir hlaupinu lokið
• 500 milljarðar lítra til sjávar
• Þjóðvegurinn um Eldhraun opnaður
• Nær öruggt að fé hefur drepist

» Fleiri tengdar fréttir

• Blogga um frétt