Breska flugfélagið British Airways mun fækka áætlunarflugi sínu til Íslands um fjórar ferðir á viku. Ferðavefurinn  Simple Flying greinir frá þessu og segir að þrátt fyrir gjaldþrot WOW air fyrr á árinu þá virðist samkeppnin við Icelandair vera meiri en svo að þörf sé á áður fyrirhuguðum áætlanaferðafjölda BA.

Heimildir mbl.is staðfesta að BA hafi ákveðið að fækka áætlunarflugi til Íslands frá og með 27. október. Mun flugfélagið þá vera með sjö ferðir á viku til og frá Íslandi, en fyrri áætlun gerði ráð fyrir 7-11 ferðum á viku þar sem fjöldi áætlunarferða BA rokkaði til milli vikna yfir vetrarmánuðina.

Ferðavefurinn Túristi greindi frá því í maí að British Airways ætlaði að fjölga áætlunarferðum hingað á sama tíma og EasyJet hefði fækkað ferðum sínum. BA virðist nú hafa látið af þeirri fyrirætlan.

Frétt af mbl.is

EasyJet fækkar Íslandsferðum

Simple Flying segir samkeppnina við Icelandair væntanlega eiga hlut í máli varðandi ákvörðun BA. Áður en Boeing 737 Max 8 farþegaþoturnar voru kyrrsettar þá notaði Icelandair slíkar vélar í flugi sínu til London. Nú nýti flugfélagið hins vegar stærri flugvélar í flugið til London, frekar en að fella flugið niður og því kunni BA að finna fyrir minni eftirspurn eftir Íslandsflugi félagsins.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt