Ekkert aðfinnsluvert hefur sést í upptökum
Setja bókamerki
Ekkert aðfinnsluvert varðandi störf lögreglunnar hefur komið í ljós í upptökum af vettvangi í máli Kristjáns Gunnars Valdimarssonar, lektors við Háskóla Íslands.
Þetta kemur fram í tilkynningu frá lögreglunni á höfuðborgarsvæðinu í ljósi gagnrýni á störf lögreglu undanfarna daga, meðal annars að ekki hafi verið gripið til tækra ráðstafana til að bjarga brotaþola.
Gögnin yfirfarin af óháðum aðila
Fram kemur að upptökurnar hafi verið yfirfarnar. Þær verða ásamt ásamt öllum gögnum sendar til nefndar um eftirlit með lögreglu og því verður efnið yfirfarið af óháðum aðila.
Lögreglan hefur lagt fram kröfu um áframhaldandi gæsluvarðhald yfir Kristján Gunnari vegna rannsóknar á meintri frelsisskerðingu, líkamsárás og kynferðisbrotum gegn þremur konum á þrítugs- og fertugsaldri.
Gæsluvarðhaldskrafan er á grundvelli rannsóknarhagsmuna og til að varna því að sakborningur haldi áfram brotum meðan málum hans er ekki lokið, en ætluð brot voru framin með skömmu millibili.
Dómari hefur tekið sér frest til að taka afstöðu til kröfu lögreglu en niðurstöðu er að vænta í síðasta lagi um hádegi á morgun, að því er segir í tilkynningunni.
/frimg/1/52/67/1526758.jpg)
„Það er engin ákveðin hreyfing í deilunni“
Fer fram á sex og hálfs ára fangelsi yfir Jóni Inga
Sjá mikinn viðsnúning og ætla ekki að skerða þjónustu
Björgunarsveitarmaður á æfingu lést við Tungufljót
„Allir tilbúnir að hjálpa“
/frimg/1/52/69/1526902.jpg)
Hvassviðri eða stormur seinnipartinn
Líkur á vatnavöxtum og varað við skriðum