Dómari við Héraðsdóm Reykjavíkur tók sér frest til hádegis á morgun til að taka afstöðu til kröfu lögreglu um áframhaldandi gæsluvarðhald yfir Kristjáni Gunnari Valdimarssyni. 

Þetta staðfestir Karl Steinar Valsson, yfirlögregluþjónn. Kristján Gunnar var því handtekinn að kröfu ríkissaksóknara og verður í vörslu lögreglu þangað til að niðurstaða dómara liggur fyrir. Karl Steinar segir að þessi atburðarrás virkist þegar dómari telur sig þurfa lengri frest til þess að meta kröfu lögreglu, en farið var fram á áframhaldandi gæsluvarðhald. 

Kristján var leiddur fyrir dómara í hádeginu, en gæsluvarðhald yfir honum rennur út núna kl 16. Til ryskinga kom fyrir utan héraðsdóm þegar ónefndur maður reyndi að koma í veg fyrir að fjölmiðlar næðu myndum af Kristjáni þegar hann var leiddur út í lögreglubíl á ný. 

Kristján Gunn­ar var hand­tek­inn aðfaranótt aðfanga­dags vegna gruns um að hann hefði haldið ungri konu nauðugri á heim­ili sínu í 10 daga og brotið gegn henni kyn­ferðis­lega. Var hann lát­inn laus úr haldi að skýrslu­töku lok­inni en síðan aft­ur hand­tek­inn að morgni jóla­dags, þá grunaður um að hafa haldið tveim­ur kon­um nauðugum þá um nótt­ina og brotið gegn þeim kyn­ferðis­lega.

Málið hefur vakið mikla athygli en Kristján er lektor við Háskóla Íslands og einn helsti skattasérfræðingur landsins. 

Tengdar fréttir

Grunur um frelsissviptingu í Vesturbæ

Mál Kristjáns látið niður falla

• Mál gegn Kristjáni Gunnari fellt niður
• Mál Kristjáns Gunnars til héraðssaksóknara
• Rannsókn á máli Kristjáns Gunnars lokið
• Rannsókn á máli Kristjáns Gunnars í farvegi

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Opinber aftaka?