Áslaug Arna Sigurbjörnsdóttir dómsmálaráðherra mun ekki tjá sig um rannsókn lögreglu eða gagnrýni á hana í máli Kristjáns Gunnars Valdimarssonar, lektors við Háskóla Íslands, sem sakaður er um frelsisskerðingu, líkamsárás og kynferðisbrot gegn þremur konum, enda málið á viðkvæmu stigi.

„Ég mun ekki tjá mig núna um viðbrögð lögreglu í þessu máli. Rannsókn er á viðkvæmu stigi og ég treysti því að faglega sé unnið af hálfu lögreglunnar,“ segir dómsmálaráðherra í skriflegu svari til mbl.is.

Gagnrýna vinnubrögð lögreglu harðlega

Réttargæslumenn tveggja kvennanna hafa gagnrýnt vinnubrögð lögreglu í málinu og segja að Kristján Gunnar hafi fengið sérmeðferð í ljósi stöðu sinnar sem lögmaður og lektor.

Frétt af mbl.is

Hefðu getað bjargað konunni sólarhring fyrr

Sigríður Björk Guðjónsdóttir, lögreglustjórinn á höfuðborgarsvæðinu, hefur ekki viljað tjá sig um gagnrýni á vinnubrögð lögreglu enda sé rannsókn málsins á viðkvæmu stigi.

„Við mun­um fara í gegn­um málið frá A-Ö og alla gagn­rýni sem hef­ur komið fram síðar, en eins og staðan er núna eru viðkvæm­ir hags­mun­ir í húfi og við vilj­um ekki spilla mál­inu með ótíma­bærri um­fjöll­un,“ sagði hún á föstudaginn síðastliðinn.

Frétt af mbl.is

Lögreglustjóri tjáir sig ekki um gagnrýni

Upptökur lögreglu sendar til nefndar um eftirlit með lögreglu

Í tilkynningu sem barst frá lögreglunni á höfuðborgarsvæðinu fyrr í dag kemur fram að ekkert aðfinnsluvert varðandi störf lögreglunnar hafi komið í ljós við skoðun á upptökum af vettvangi.

Fram kom í yfirlýsingunni að upptökurnar hefðu verið yfirfarnar og þær yrðu, ásamt öllum gögnum, sendar til nefndar um eftirlit með lögreglu og því yrði farið yfir efnið af óháðum aðila.

Frétt af mbl.is

Ekkert aðfinnsluvert hefur sést í upptökum

Lög­regl­an hef­ur lagt fram kröfu um áfram­hald­andi gæslu­v­arðhald yfir Kristján Gunn­ari vegna rann­sókn­ar á meintri frels­is­skerðingu, lík­ams­árás og kyn­ferðis­brot­um gegn þrem­ur kon­um á þrítugs- og fer­tugs­aldri.

Gæslu­v­arðhaldskraf­an er á grund­velli rann­sókn­ar­hags­muna og til að varna því að sak­born­ing­ur haldi áfram brot­um meðan mál­um hans er ekki lokið, en ætluð brot voru fram­in með skömmu milli­bili.

Dóm­ari hef­ur tekið sér frest til að taka af­stöðu til kröfu lög­reglu en niður­stöðu er að vænta í síðasta lagi um há­degi á morg­un, að því er seg­ir í til­kynn­ing­unni.

Þrátt fyrir tilraunir hefur mbl.is ekki náð tali af Sigríði Björk Guðjónsdóttur um helgina.

Tengdar fréttir

Grunur um frelsissviptingu í Vesturbæ

Mál Kristjáns látið niður falla

• Mál gegn Kristjáni Gunnari fellt niður
• Mál Kristjáns Gunnars til héraðssaksóknara
• Rannsókn á máli Kristjáns Gunnars lokið
• Rannsókn á máli Kristjáns Gunnars í farvegi

» Fleiri tengdar fréttir

• 3 blogg um fréttina

Bloggað um fréttina

• Páll Vilhjálmsson: Góða fólkið býr til samsæri
• Guðmundur Jónsson: Að ýta undir og hvetja til glæpa er líka glæpur.
• Jóhannes Ragnarsson: Dómsmálaráðherra hefir ekki neitt vit á lögreglurannsóknum og dómsmálum