Eiga eftir að taka skýrslu af forsvarsmönnum Mountaineers
Setja bókamerki
Lögreglan á Suðurlandi hefur ekki tekið formlega skýrslu af forsvarsmönnum Mountaineers of Iceland en það verður gert á allra næstu dögum. Ekki er hægt að segja til um hvenær rannsókn lögreglu á hrakningum 39 ferðamanna á vegum Mountineers of Iceland lýkur.
Hópurinn lenti í hrakningum við rætur Langjökuls á þriðjudaginn í síðustu viku og voru flestir í hópi ferðafólks orðnir blautir og kaldir þegar fyrstu hópar björgunarsveita komu að þeim.
Lögreglan rannsakar hvers vegna farið var af stað í vélsleðaferðina þrátt fyrir veðurviðvaranir.
Elís Kjartansson, lögreglufulltrúi hjá lögreglunni á Suðurlandi, segir málið einfaldlega í ferli og rannsókn í fullum gangi.
Margir ferðamannanna yfirgáfu Ísland fljótlega eftir svaðilförina en lögreglan hefur rætt við þá. „Við náðum því á fyrsta sólarhringnum og settum mikinn kraft í það,“ segir Elís sem segir að formleg skýrsla verði tekin af forsvarsmönnum Mountaineers of Iceland á allra næstu dögum.
Að lokinni allri úrvinnslu lögreglunnar verður tekin ákvörðun um hvort ákært verður í málinu.
Líklega komin á seinni hluta hrinunnar í Svartsengi
Yfir 300 stæði fóru undir hraun
/frimg/1/53/7/1530787.jpg)
Flogið á milli ljósaskipta
Fullvissa ferðamenn um að hér sé öruggt
Börn hafi engan rétt á leikskólakennslu
„Má segja að þetta gos hafi þjófstartað“
Mæðgur dæmdar til að greiða 64 milljónir