Rólegt hefur verið á Keflavíkurflugvelli það sem af er degi, enda liggja nánast allar flugsamgöngur niðri um land allt. 

Flugvél British Airways frá London Heathrow er sú eina sem lent hefur á Keflavíkurflugvelli það sem af er degi. Hún lenti í hádeginu og fór aftur klukkan 13:21.

Frétt af mbl.is

Ekkert flogið og vegir lokaðir

Samkvæmt Guðjóni Helgasyni, upplýsingafulltrúa Isavia, var landgöngubrúm lokað snemma í morgun. Hann segir þjónustuaðila British Airways á Keflavíkurflugvelli, Airport Associates, hafa komið farþegum til og frá borði með stigabílum.

Icelandair aflýsti eða seinkaði öllum komum og brottförum dagsins og var farþegum gert viðvart í gær. Að sögn Guðjóns hefur því engin örtröð myndast á Keflavíkurflugvelli.

Útlit er fyrir að flug verði á áætlun á morgun, föstudaginn 24. janúar, en Icelandair hefur bætt við nokkrum flugferðum, svo sem á milli Keflavíkur og Kaupmannahafnar, Keflavíkur og Parísar, Keflavíkur og Amsterdam og Keflavíkur og London, til að koma öllum farþegum sínum á leiðarenda.

Tengdar fréttir

Óveður í janúar 2020

Kannast ekki við að hafa réttarstöðu sakbornings

• Tveir með réttarstöðu sakbornings
• Farþegum til Íslands fjölgaði um 17%
• Illviðrisdagar óvenjumargir
• Lögmenn sátu um ferðamennina í Gullfosskaffi

» Fleiri tengdar fréttir

• Blogga um frétt