Barn sem flutt var með sjúkra­flugi til Reykja­vík­ur eft­ir hoppu­kastala­slys á Ak­ur­eyri í gær er sex ára gam­alt og ligg­ur nú á gjör­gæslu Land­spít­al­ans. 

Barnið slasaðist illa eft­ir hátt fall úr hoppu­kastal­an­um skrímsl­inu, sem tókst á loft í gær, full­ur af börn­um. 

Frétt af mbl.is

Tók tals­verðan tíma að leita í kast­al­an­um

Greint var frá aldri barns­ins og stöðu þess á vef Vís­is en lög­regla sagðist ekk­ert vita um af­drif barns­ins þegar mbl.is hafði sam­band við hana.

Kristján Kristjáns­son yf­ir­lög­regluþjónn er með til­drög slyss­ins til rann­sókn­ar. Hann sagði að málið væri enn á al­geru frum­stigi og að niður­stöður myndu ekki liggja fyr­ir á næst­unni.

Aðspurður hvort bú­ist væri við um­fangs­mik­illi rann­sókn ít­rekaði hann að málið væri á frum­stigi og úti­lokaði ekki að það gæti tekið nokkr­ar vik­ur að kom­ast til botns í því hvað ná­kvæm­lega olli slys­inu. 

Því hef­ur þó verið lýst að vind­hviða hafi kom­ist und­ir horn hoppu­kastal­ans með þeim af­leiðing­um að það þeytt­ist upp í loft og fest­ing­arn­ar gáfu sig. 

Tengd­ar frétt­ir

Hoppu­kastala­slys á Ak­ur­eyri

Vilja að dóm­ar­inn víki í hoppu­kastalamál­inu

• Eng­ar óyggj­andi niður­stöður í hoppu­kastalamáli
• Sneru við úr­sk­urði héraðsdóms
• Beiðast nýs mats í hoppu­kastalamáli
• Hoppu­kastalamálið fyr­ir dóm

» Fleiri tengd­ar frétt­ir

• Blogga um frétt