Sá grunaði leiddur fyrir dóm í dag
Tómas Arnar Þorláksson
Setja bókamerki
Karlmaðurinn á þrítugsaldri sem var handtekinn í gær vegna gruns um að hafa valdið mannsláti með saknæmum hætti verður leiddur fyrir Héraðsdóm Reykjavíkur í dag. Þar verður tekin ákvörðun um það hvort hann verður úrskurðaður í gæsluvarðhald.
Þetta staðfestir Margeir Sveinsson aðstoðaryfirlögregluþjónn hjá miðlægri rannsóknardeild.
Lögreglu barst tilkynning klukkan hálfátta í gærkvöldi um að karlmaður á fimmtugsaldri hafi látist í austurbæ Reykjavíkur. Stuttu seinna var karlmaður á þrítugsaldri handtekinn grunaður um að hafa valdið láti mannsins með barsmíðum. Aðspurður vildi Margeir ekki tjá sig um hvers konar barefli hafi verið notað í grunaðri árás og ítrekar að málið sé í rannsókn.
Heimildir RÚV herma að maðurinn sem var handtekinn sé fæddur árið 2001 en Margeir gat ekki staðfest það en tók fram að hann væri á þrítugsaldri.
Margeir segir að búast megi búast við að það verði gerð krafa um gæsluvarðhald á hendur þess grunaða. Spurður um hversu löngu gæsluvarðhaldi verður sóst eftir kveðst hann ekki vita það en nefnir að maðurinn verður væntanlega leiddur fyrir Héraðsdóm Reykjavíkur seinna í dag.
Þá segir hann næsta skref í rannsókninni vera skýrslutökur af þeim grunaða og hugsanlegum vitnum sem voru í grennd við atburðinn, sem átti sér stað í Barðavogi, í gærkvöldi.
Ágreiningur í VG um aðild að NATO
Útlit fyrir að hallinn verði 17 milljörðum meiri
Þungbært að missa félaga
„Allir tilbúnir að hjálpa“
Sjá mikinn viðsnúning og ætla ekki að skerða þjónustu
Altjón eftir að kviknaði í út frá rafmagni
Börnum mismunað: Kjaradeilan verði leyst án tafar
/frimg/1/42/49/1424939.jpg)
Jarðskjálftahrina við Vífilsfell