Flestum rannsóknaraðgerðum er lokið er snýr að meintu manndrápi í Barðavogi og er fyrst og fremst beðið eftir gögnum, meðal annars er snúa að sakhæfi hins grunaða.

Þetta staðfestir Eiríkur Valberg hjá miðlægri rannsóknardeild lögreglunnar á höfuðborgarsvæðinu í samtali við mbl.is.

Gæsluvarðhald yfir manninum rennur út eftir tíu daga, þann 29. júlí en líklegt er að óskað verði eftir framlengingu á því, ef rannsókninni verður ólokið. Miðað er við að rannsóknir af þessu tagi taki allt að tólf vikur en rúmar sex vikur eru frá atburðinum.

Frétt af mbl.is

Vantar úrræði fyrir menn sem eru „tímasprengjur“

„Það er svolítið eftir, en það er flestum rannsóknaraðgerðum lokið. Við erum fyrst og fremst að bíða eftir gögnum. Það er bara spurning hversu löng sú bið verður,“ segir Eiríkur.

Og þar á meðal eru gögn um sakhæfi hins grunaða?

„Meðal annars, já.“

Tengdar fréttir

Manndráp í Barðavogi

Systkinin fá engar bætur eftir dóm Landsréttar

• Landsréttur staðfesti 16 ára dóm yfir Magnúsi
• Magnús Aron áfrýjar til Landsréttar
• Þungur dómur miðað við aldur Magnúsar
• Magnús Aron fékk 16 ára dóm í Barðavogsmáli

» Fleiri tengdar fréttir

• Blogga um frétt