Tökur á fjórðu þáttaröð sjónvarpsþáttanna True Detective munu fara fram í minnst fjórum myndverum hér á landi og hefur mikil vinna verið lögð í að byggja leikmyndir þar að undanförnu. Tökur eru að hefjast og átti aðalleikkonan Jodie Foster að koma til landsins í gær.

Eins og fram hefur komið í fjölmiðlum er um að ræða stærsta kvikmyndaverkefni sem ráðist hefur verið í hér á landi. Tökur standa yfir í níu mánuði og reiknað er með að framleiðslukostnaðurinn verði um níu milljarðar króna.

Tökulið verður einnig á ferð og flugi um landið enda er lagt upp með að fanga hrikalega náttúruna hér sem bakgrunn sögunnar. Framleiðslufyrirtækið True North hefur þegar sótt um leyfi fyrir tökur á Djúpavatnsleið við Kleifarvatn. Alls eiga um 130 manns að koma að þessum tökum og mega vegfarendur eiga von á því að vegum í kring verði lokað fyrirvaralaust fram til 22. október næstkomandi.

Allt lykilfólk í framleiðslunni kemur að utan. Alls eru þetta um 300 manns sem verða hér að jafnaði fram á vor. Samkvæmt upplýsingum blaðsins hafa tugir íbúða verið teknir á leigu en háttsett starfsfólk við þættina er sagt dvelja á fimm stjörnu hótelinu Reykjavík Edition. 

Nánar um málið í Morgunblaðinu í dag.

Tengdar fréttir

True Detective á Íslandi

True Detective slær áhorfsmet

• Leikarar True Detective elskuðu dvöl sína á Íslandi
• Komin með nóg af kulda eftir Ísland
• Nýjasta stikla True Detective vekur mikla athygli
• Drungaleg stikla birt úr True Detective

» Fleiri tengdar fréttir