Fjórar handtökur og húsleitir vegna árásarinnar
Setja bókamerki
Rannsókn á líkamsárás á Bankastræti Club í gær beinist m.a. að því hvort hún tengist uppgjöri eða hefndaraðgerðum, en á þessu stigi er of snemmt að fullyrða um slíkt.
Um mjög alvarlega árás er að ræða og vopnaðist lögregla vegna aðgerðanna í gærkvöldi og nótt. Þetta kemur fram í tilkynningu lögreglu.
Karlmennirnir þrír sem fluttir voru á slysadeild seint í gærkvöld eru í kringum tvítugt og eru allir með stungusár.
Lögregla fékk tilkynning um málið klukkan 23.33 og hélt strax á vettvang. Fjórir hafa nú verið handteknir.
Árásarmennirnir með grímu
Í tilkynningu frá lögreglu segir að hópur manna hafi ráðist inn á skemmtistaðinn og að þremenningunum sem voru þar staddir í herbergi. Árásarmennirnir voru dökkklæddir og með grímur en þeir yfirgáfu skemmtistaðinn um leið og árásin var yfirstaðin. Talið er að þeir hafi verið inni á staðnum í mjög skamman tíma.
Leit að mönnunum hófst strax eftir að lögreglan kom á vettvang en tugir lögreglumanna hafa komið að rannsókn málsins frá því í gærkvöld og nótt. Hafa verið framkvæmdar allnokkrar húsleitir í þágu hennar.
Rannsókn málsins er nú í forgangi hjá lögreglunni á höfuðborgarsvæðinu og hefur sérsveit ríkislögreglustjóra aðstoðað við málið.
Viðræður ekkert þokast frá því á þriðjudag
Nýtt fangelsi í landi Stóra-Hrauns tilbúið 2028
Þarf að koma til móts við ólíkar þarfir lækna
/frimg/1/53/7/1530787.jpg)
Flogið á milli ljósaskipta
/frimg/1/53/8/1530849.jpg)
Fatlaður drengur fær ekki þjónustu í verkfalli
Hótar Bretum og Bandaríkjamönnum