Lýsa yfir trausti til Heimis þrátt fyrir ákæru
Setja bókamerki
Bæjarfulltrúar í meirihluta bæjarstjórnar á Akureyri lýsa yfir „fullu og óskoruðu trausti til Heimis Arnar Árnasonar, forseta bæjarstjórnar Akureyrar,“ að því er fram kemur í yfirlýsingu frá meirihlutanum.
Heimir er einn af fimm sakborningum sem ákærðir hafa verið í tengslum við hoppukastalaslysið sem varð á Akureyri árið 2021.
Í yfirlýsingunni segir að Heimir Örn hafi á þeim tíma verið formaður unglingaráðs handknattleiksdeildar KA og KA/Þórs sem hafi verið í samstarfi við eigendur hoppukastalans og að hann sé ákærður sem slíkur.
„Forseti bæjarstjórnar skorast ekki undan ábyrgð á nokkurn hátt en rétt er að undirstrika að Heimir Örn Árnason gegndi engum trúnaðarstörfum fyrir sveitarfélagið þegar slysið átti sér stað. Ákæran fer sína leið fyrir dómstólum og snertir ekki núverandi hlutverk hans innan bæjarstjórnar Akureyrar.“
Lýsa yfir fullu og óskoruðu trausti
Að lokum skrifa undir yfirlýsinguna bæjarfulltrúarnir Andri Teitsson, Halla Björk Reynisdóttir, Hlynur Jóhannsson, Hulda Elma Eysteinsdóttir og Lára Halldóra Eiríksdóttir.
„Við undirrituð lýsum yfir fullu og óskoruðu trausti til Heimis Arnar Árnasonar, forseta bæjarstjórnar Akureyrar, og starfa hans í þágu sveitarfélagsins og bæjarbúa.“
Hópur fólks reyndi að komast að eldgosinu
Fullvissa ferðamenn um að hér sé öruggt
Ekki vandamál að vera karlmaður
Nýtt fangelsi í landi Stóra-Hrauns tilbúið 2028
/frimg/1/53/8/1530844.jpg)
Myndir: Náttúrulegur þröskuldur að taka við
Yfir 300 stæði fóru undir hraun
Hótar Bretum og Bandaríkjamönnum
