Segja orðalag ákærunnar óljóst
Setja bókamerki
Verjendur þeirra fimm sem ákærðir eru í hoppukastalamálinu svokallaða, þar sem hoppukastali tókst á loft með skelfilegum afleiðingum sumarið 2021, hafa krafist að ákæran gegn þeim skuli felld niður. Ástæðuna segja þeir „óljós sakarefni“. Rúv greinir frá.
Í lok síðasta árs gaf lögreglustjórinn á Norðurlandi eystra út ákæru á hendur mönnunum fimm fyrir að hafa sýnt af sér í félagi aðgæsluleysi og vanrækslu þegar hoppukastalinn Skrímslið var tekinn í gagnið á Akureyri fyrir tæpum tveimur árum.
Saksóknari höfðaði málið vegna meiðsla fjögurra barna í slysinu, en alls slösuðust tíu börn, þar á meðal sex ára stúlka sem lá á gjörgæslu um tíma og berst enn við hreyfihömlun.
Vísaði til hryðjuverkamálsins
Allir sem ákærðir eru lýstu yfir sakleysi og fóru verjendur þeirra fram á frávísun ákærunnar við þinghald í gær. Vísaði verjandi eins þeirra til ákærunnar í hryðjuverkamálinu svokallaða, sem nýlega var vísað frá vegna óljósra sakarefna.
Í umfjöllun Rúv kemur orðalag ákærunnar svo óljóst að sakborningum hefði verið „ógerlegt að skilja með hvaða háttsemi eða athafnaleysi þeir hefðu brotið af sér“.
Hópur fólks reyndi að komast að eldgosinu
Nýtt fangelsi í landi Stóra-Hrauns tilbúið 2028
Þarf að koma til móts við ólíkar þarfir lækna
Vika í kosningar: Þetta segja kannanir
Hentugt gos fyrst gýs á annað borð
Pútín reynir allt til að forðast aðra herkvaðningu
Rússar sagðir útvega N-Kóreu milljón olíutunnur
