„Þetta hefur gengið mjög vel. Það eru allir rosalega ánægðir með þessar tökur,“ segir Leifur B. Dagfinnsson, framleiðandi hjá TrueNorth.

Fyrirtækið hefur haft umsjón með tökum á fjórðu þáttaröð True Detective hér á landi í vetur. Sem kunnugt er fer hin þekkta leikkona Jodie Foster með aðalhlutverkið og þetta er stærsta kvikmyndaverkefni sem ráðist hefur verið í hér á landi. Heildarkostnaður við verkefnið verður um tíu milljarðar króna.

Frétt af mbl.is

Foster berst í gegnum storminn í nýrri stiklu

Tökur hófust í október

Samkvæmt upplýsingum Morgunblaðsins er farið að styttast í annan endann á tökum á þáttunum. Heimildir blaðsins herma að aðeins um tvær vikur séu eftir í tökum og þeim ljúki formlega í kringum páskahátíðina. Leifur vildi ekki staðfesta þetta í gær.

Tökur hófust um miðjan október og því er um sex mánaða törn að ræða. Fyrir þann tíma hafði undirbúningur staðið yfir frá því í júní og eftir að tökum lýkur fer einhver tími í frágang. Alls teygir vinna við True Detective hér á landi sig því í næstum ár.

Frétt af mbl.is

Kaflaskil í kvikmyndagerð hér

Eins og kom fram í viðtali við Leif í Morgunblaðinu í október var lagt upp með að um 250 manns myndu starfa við True Detective að jafnaði en fjöldinn gæti farið upp í 3-400 manns á stærri tökudögum. Starfsfólkið er að mestu íslenskt en um 50-60 útlendingar hafa þó verið í hópnum.

Tengdar fréttir

True Detective á Íslandi

True Detective slær áhorfsmet

• Leikarar True Detective elskuðu dvöl sína á Íslandi
• Komin með nóg af kulda eftir Ísland
• Nýjasta stikla True Detective vekur mikla athygli
• Drungaleg stikla birt úr True Detective

» Fleiri tengdar fréttir