Innlent | Sunnudagsblað | 2.7.2023 | 7:05

Myndir úr glæsilegu safni Sigurgeirs

Ljósmynd/Sigurgeir Jónasson

Hálf öld er liðin frá eldgosinu á Heimaey og sextíu ár frá gosinu þegar Surtsey myndaðist.

Framundan er hin árlega goslokahátíð í Vestmannaeyjum sem haldin verður 3.-9. júlí og verður með stærra sniði en oft áður á þessum tímamótum

Fyrsta goslokahátíðin í Eyjum 3. júlí 1974. Ljósmynd/Sigurgeir Jónasson

Sigurgeir Jónasson, sem myndaði fyrir Morgunblaðið í liðlega sextíu ár, festi báða þessa sögulegu atburði á filmu og er enn til frásagnar. Rætt er við Sigurgeir í Sunnudagsblaði Morgunblaðsins.

Valgeir Sigurðsson, matreiðslumeistari, steikir á hrauninu í Vestmannaeyjum 12. mars 1973. Ljósmynd/Sigurgeir Jónasson

„Ég var reyndar svo heppinn að hafa svigrúm til að stunda þessa óvenjulegu iðju að vera ljósmyndari á vettvangi. Yfirmaður minn hafði skilning á þessu og kunningi minn leysti mig stundum af í vinnunni. Ég reyndi að fara á milli atburða í bænum eins og ég gat. Stundum gat maður farið á bíl en stundum þurfti maður að treysta á fæturna. Þá kom sér vel að vera ungur og hraustur en þarna var ég um þrítugt,“ segir Sigurgeir meðal annars í Sunnudagsblaðinu en hann fæddist 19. september 1934.

Sigurgeir með myndavélina á vettvangi sögulegra atburða. Ljósmynd/Ljósmyndasafn Vestmannaeyja.

Hér fylgja nokkrar myndir úr glæsilegu myndasafni Sigurgeirs en aðrar myndir jafnvel enn frægari myndir birtust í Sunnudagsblaðinu. Sigurgeir telur að ljósmyndir eftir sig séu á bilinu 4-5 milljónir en Ljósmyndasafnið í Vestmannaeyjum varðveitir safnið.

Búslóð bjargað á Heimaey árið 1973. Ljósmynd/Sigurgeir Jónasson

Eldgosið á Heimaey. Ljósmynd/Sigurgeir Jónasson

Sjómenn við veiðarog vinnslu. Meðan á Surtseyjargosinu stóð fór Sigurgeir fleiri en eitt hundrað ferðir með bát að mynda Surtsey þótt sjóveikur væri. Samferðamenn hafa giskað á 130 ferðir. Ljósmynd/Sigurgeir Jónasson