Formleg kæra komin á borð lögreglunnar
Setja bókamerki
Sjóferð Eyjamannsins Ágústs Halldórssonar á kajak sem endaði í Surtsey gæti haft eftirmála, því formleg kæra er nú komin inn á borð lögreglunnar frá Umhverfisstofnun.
Surtsey, sem er syðsta eyja Vestmannaeyja, er friðlýst og mega eingöngu þeir sem sækja um sérstakt leyfi fara í eyjuna sem myndaðist fyrir tæplega sextíu árum, 14. nóvember 1963. Surtsey hefur verið friðlýst frá árinu 1965 og verið á heimsminjaskrá UNESCO frá 8. júlí 2008.
Að sögn Karls Gauta Hjaltasonar lögreglustjóra í Vestmannaeyjum hefur kæra frá Umhverfisstofnun borist til lögreglunnar og mun lögreglan byrja á því að yfirheyra Ágúst vegna ferðalagsins.
Forstjóri Umhverfisstofnunar, Sigrún Ágústsdóttir, segir engin fordæmi fyrir því að friðlýsing eyjunnar hafi verið brotin áður, en leyfi til ferða séu nánast eingöngu veitt vísindamönnum til að rannsaka eyjuna.
Fólk í kosningateymi Höllu fékk milljónir frá OS
Átta létust og 229 slösuðust alvarlega
Hluti peninganna kominn í leitirnar
Afkoma borgarinnar 13 milljörðum undir áætlun
90% samþykktu verkfallsaðgerðir
Verkfallsaðgerðir á Keflavíkurflugvelli samþykktar
