„Við notum allar bjargir sem við höfum“
Setja bókamerki
„Þetta er náttúrulega mjög erfitt viðureignar af því að þetta er mikil sina og mikill reykur. Menn eru að vinna með grímur allan tímann meðan þeir eru þarna á vettvangi. Þetta er mjög erfitt við að eiga.“
Þetta segir Guðmundur Karl Halldórsson, varðstjóri hjá Slökkviliði höfuðborgarsvæðisins, um stöðu mála við gosstöðvarnar á Reykjanesskaga.
Blaðamaður ræddi við Guðmund á slökkvistöðinni í Grindavík, en hann sinnti slökkvistörfum í gærkvöldi í nágrenni eldgossins við Litla-Hrút þar sem unnið var að því að slökkva sinuelda til klukkan tvö í nótt.
„Það verður haldið áfram í dag. Þeir eru komnir upp, ég er að koma úr Reykjavík og fer til þeirra og við reynum að vinna í þessu í dag til að reyna að slá betur á þetta.“
Nota vinnuvélar og tankbíla til að ferja vatn
Hann segir aðstæður erfiðar og reiknar ekki með því að unnt verði að klára verkið í dag.
„Ég veit ekki hvernig þetta er eftir nóttina, en eins og þetta leit út í gærkvöldi þá líst mér nú ekki á þetta.“
Slökkviliðsmenn hafa notað vinnuvélar og tankbíla til að ferja vatn úr Grindavík á gossvæðið. Þá hefur þyrla Landhelgisgæslunnar aðstoðað við slökkvistörf.
„Við notum allar bjargir sem við höfum,“ segir Guðmundur.
Slökkviliðsmenn beðið um reykköfunartæki
„Vonandi gengur þetta vel í dag, það er aðalatriðið.“
Reykurinn er mikill á svæðinu og hafa slökkviliðsmenn beðið um reykköfunartæki, að sögn Guðmundar.
„Yfirleitt höfum við bara verið með grímur með síu. Ég veit ekki hvort þetta hefur versnað frá því í gærkvöldi, við þurftum ekki að vera með reykköfunartæki í gærkvöldi og nótt.“
„Ekki við hæfi að blanda sér í umræðu um ritstjórn RÚV“
Starfsmaður SÍ grunaður um fjárdrátt
Vilja selja fyrir tæpa 13 milljarða í Íslandshótelum
Arnar Þór hvergi nærri hættur
Ákall eftir forseta án tengsla við valdöfl og fjármálakerfi
Viltu verða milljónamæringur um sextugt?
Barnalög endurskoðuð til að bregðast við