Kvöddu Gullhamra í dag og málið dómtekið
Setja bókamerki
Aðalmeðferð í hinu svokallaða Bankastræti Club-máli lauk í Gullhömrum síðdegis í dag. Ómar R. Valdimarsson, einn verjenda í málinu, væntir þess að dómur verði kveðinn upp innan fjögurra vikna.
Ákæruvaldið í málinu hefur farið fram á átta ára fangelsisdóm að lágmarki yfir Alexander Mána Björnssyni vegna hnífaárásar gegn þremur fórnarlömbum sem átti sér stað á Bankastræti Club í október á síðasta ári.
Málið hefur ákveðna sérstöðu, en í því eru 25 með stöðu sakbornings, að Alexander Mána meðtöldum. Af þeim eru tíu ákærðir fyrir alvarlega líkamsárás og 14 fyrir hlutdeild í árásinni.
Dró játningu sína til baka
Þá dró til tíðinda á næstsíðasta degi í Gullhömrum í gær þar sem aðalmeðferð málsins fer fram þegar Alexander Máni, sem ákærður er fyrir tilraun til manndráps, dró játningu sína til baka rétt áður en málflutningur saksóknara átti að hefjast í málinu.
Í kjölfar þess að Alexander dró játningu sína til baka þurfti að efna til hlés í Gullhömrum og lýsti Sigríður Hjaltested, dómari í málinu, yfir óánægju sinni í garð vinnubragða Ómars Valdimarssonar, lögmanns Alexanders Mána.
Þrátt fyrir óvæntar tafir á málflutningi í gær tókst þó að ljúka meðferð málsins í dag. Hefur dómari nú fjórar vikur til þess að kveða upp dóm yfir þeim sem að stunguárásinni á Bankastræti Club komu.
Líklega komin á seinni hluta hrinunnar í Svartsengi
/frimg/1/53/7/1530787.jpg)
Flogið á milli ljósaskipta
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028
Sólveig Anna furðar sig á aðferðum kennara
Yfir 300 stæði fóru undir hraun
Börn hafi engan rétt á leikskólakennslu
Virknin dregist saman um 600 metra