Allt er á fullu við rannsókn lögreglunnar á máli konu sem er grunuð um að hafa ráðið karlmanni bana í Bátavogi í Reykjavík í síðasta mánuði.
Þetta segir Ævar Pálmi Pálmason, aðstoðaryfirlögregluþjónn hjá miðlægri rannsóknardeild lögreglunnar á höfuðborgarsvæðinu.
„Það er verið að fara yfir gögn og afla gagna. Það er allt á fullu við rannsóknina,” segir Ævar Pálmi um ganginn á rannsókninni.
„Það hefur mikil vinna farið fram og það er mikil vinna framundan.”
Maðurinn sem lést er á sextugsaldri en konan sem er í haldi er um fertugt. Hún var í gær úrskurðuð í áframhaldandi gæsluvarðhald til 18. október.