Margir þættir enn til skoðunar í Bátavogi
Setja bókamerki
Gæsluvarðhald yfir konu, sem grunuð er um að hafa orðið karlmanni á sextugsaldri að bana í fjölbýlishúsi við Bátavog, var framlengt til 25. október.
Þetta staðfestir Ævar Pálmi Pálmason, aðstoðaryfirlögregluþjónn hjá miðlægri rannsóknardeild lögreglunnar á höfuðborgarsvæðinu.
Upphaflega var greint frá því að gæsluvarðhaldið ætti að renna út í dag, 18. október, en að sögn Ævars Pálma var það lengt með úrskurði Landsréttar. Rennur það út eftir viku.
Umfangsmikið mál
Ævar Pálmi segir í samtali við mbl.is, að rannsókn málsins sé umfangsmikil, en lögreglan þarf að fara yfir talsvert magn af gögnum og yfirheyra nokkur vitni.
„Það eru margir þættir sem koma til skoðunar.“
Þá liggja endanlegar niðurstöður úr krufningu ekki fyrir.
Man ekki eftir
Rúv greindi frá því í byrjun mánaðar að dauður smáhundur hefði fundist á vettvangi.
Hundurinn var í eigu húsráðanda, að sögn Ævars.
„Þessi dauði hundur – við teljum að hann tengist þessu máli ekki neitt. Við teljum okkur vera búin að loka fyrir þann enda,“ segir hann enn fremur.
Það getur ekki verið að það komi oft fyrir að það finnist dauð gæludýr á vettvangi?
„Nei ég man nú ekkert eftir því sérstaklega“
Spánverjar viðurkenna sjálfstæði Palestínu
Eftirlit með innheimtu ábótavant
Ráðist á 11 ára barn: Fjórða atvikið á skömmum tíma
Sýn mun skila inn umsögn um frumvarpið
Norðmenn viðurkenna palestínskt ríki
„Erum að eltast við alla möguleika“
100 kjörseðlar týndir: Sagðir stolnir