Tæplega 4.000 jarðskjálftar hafa mælst á Reykjanesskaganum í kjölfar jarðskjálftahrinunnar sem hófst á þriðjudag. Af þeim hafa 14 verið yfir 3 stigum að stærð.

Fram kemur í tilkynningu Veðurstofunnar að mesta virknin undanfarna daga hafi verið frá Stóra-Skógsfelli í norðaustri að Eldvörpum, en þeir hafa verið á bilinu 2-6 kílómetra dýpi.  

Stærsti skjálfti hrinunnar mældist 25. október klukkan 8.18 og var hann 4,5 stig að stærð. 

Frétt af mbl.is

Skjálfti yfir fjórum að stærð norðan við Grindavík

Gikkskjálftar vegna þenslu

Í tilkyningunni segir að vísindafólk Veðurstofunnar telji skjálftana vera gikkskjálfta, sem sé afleiðing spennubreytinga vegna þenslu við Fagradalsfjall.

Þá hafa GPS mælingar á stöðinni FEFC, austan við Festarfjall, sýnt fram á færslu til suðaustur, en þessar mælingar gætu bent til þess að nýtt kvikuinnskot hafi tekið að myndast syðst í ganginum við Fagradalsfjall. 

Vísindamenn Veðurstofunnar telja að um gikkskjálfta sé að ræða. Kort/Veðurstofa Íslands

Tengdar fréttir

Eldvirkni á Reykjanesskaga

Geimveður truflar landrismælingar

• Róleg nótt á Reykjanesskaga
• Líkur á öðru eldgosi aukast
• „Fólk vinnur hetjudáð á hverjum degi“
• Merkilegt hve lengi gosið hélt dampi

» Fleiri tengdar fréttir

• Blogga um frétt