Hafa rætt við á þriðja tug manns
Setja bókamerki
Skýrslutökum lögreglunnar vegna rannsóknar á andláti karlmanns á sextugsaldri í fjölbýlishúsi í austurborginni er að langmestu leyti lokið.
Að sögn Eiríks Valbergs, lögreglufulltrúa hjá miðlægri rannsóknardeild lögreglunnar á höfuðborgarsvæðinu, hefur lögreglan rætt við vel yfir 20 manns í tengslum við málið. Ekkert af þessu fólki varð þó vitni að dauðsfallinu, heldur hafði það ýmist verið áður í íbúðinni, eða eru nágrannar, vinir eða tengdir aðilar.
Verður tímafrek rannsókn
Eiríkur segir rannsókn málsins miða mjög vel en beðið er eftir gögnum sérfræðinga, þar á meðal lífsýnum og endanlegri krufningarskýrslu.
„Það er ljóst að þetta mun verða tímafrek rannsókn,” segir hann.
Kona um fertugt, grunuð um að hafa orðið manninum að bana, var í síðasta mánuði úrskurðuð í fjögurra vikna gæsluvarðhald til 21. nóvember.
Spurður kveðst Eiríkur hvorki geta upplýst um hvernig manninum var ráðinn bani né hvort játning liggi fyrir hjá konunni.
Atkvæðagreiðslu frestað: Kjörgögn skiluðu sér ekki
„Þetta snertir okkur ekki með beinum hætti“
„Erum að eltast við alla möguleika“
Eftirlit með innheimtu ábótavant
Hamas: „Mikilvægt skref“
„Það ætti ég nú að vita manna best“
Spánverjar viðurkenna sjálfstæði Palestínu
Skýrir fyrirbærið sem olli ókyrrðarslysinu