Dómsuppsaga í Bankastræti Club-málinu verður í Héraðsdómi Reykjavíkur klukkan 8.30 í fyrramálið.
Þetta kemur fram á vef Héraðsdóms Reykjavíkur.
Réttarhöldin í málinu fóru fram í Gullhömrum í Grafarholti og tóku þau sjö daga.
Áætlað er að dómsuppsagan taki 45 mínútur, enda eru sakborningarnir í málinu 25 talsins. Af þeim eru tíu ákærðir fyrir alvarlega líkamsárás og 14 fyrir hlutdeild í árásinni.
Ákæruvaldið í málinu fer fram á átta ára fangelsisdóm að lágmarki yfir Alexander Mána Björnssyni vegna hnífaárásar gegn þremur fórnarlömbum á Bankastræti Club í október í fyrra.