Flugprófanir eru nú í gangi á flugvél Isavia á Akureyri og hefur vélinni verið flogið í ótal hringi yfir Eyjafjarðarsveit.
Þetta staðfestir staðgengill upplýsingafulltrúa Isavia í samtali við mbl.is inntur eftir útskýringum á því hvers vegna vélin, sem er af gerðinni Beech B200 Super King Air, hefði verið flogið í hringi yfir Eyjafjarðarsveit á fjórða tímanum í dag.
Hann segir flugprófanir sem þessar ekki óalgengar og að líklega hafi verið ákveðið að nýta tímann á meðan lítið væri að gera á Akureyrarflugvelli.