Sérfræðingur hjá Matís telur að upplýsa þurfi neytendur um nauðsyn þess að steikja hamborgara í gegn.

Tvær hópsýkingar urðu nýverið í Noregi sem voru raktar til hamborgarakjöts sem var ekki eldað nægilega vel.

Stundum kölluð hamborgarabakterían

Hrólfur Sigurðsson, formaður íslensku matvælarannsóknarnefndarinnar og starfsmaður Matís, segir í samtali við Bændablaðið að 24 einstaklingar hafi sýkst í öðru tilfellinu í Noregi, þar af fengu níu þeirra nýrnasjúkdóminn Hemolytic Uremic Syndrome, sem er alvarlegur og getur leitt fólk til dauða. Níu manns sýktust í hinu tilfellinu en enginn fékk umræddan sjúkdóm.

„Um er að ræða bakteríu sem stundum hefur verið kölluð „hamborgarabakterían“ (E. coli STEC) og getur verið í mörgum vörum sem við neytum. Hún finnst þó aðallega í hökkuðu nautakjöti, ógerilsneyddum mjólkurvörum og grænmeti. Hún finnst líka stundum í hveiti og því ekki ráðlagt að börn borði óbakað deig,“ segir Hrólfur við Bændablaðið.

Tæplega ellefu þúsund sýkst á síðasta ári

Hann segir að á síðasta ári hafi tæplega 11 þúsund manns sýkst af þessari bakteríu í Evrópu og nauðsynlegt sé að upplýsa neytendur, aðallega barnafjölskyldur, um hættuna af völdum hennar. Tímaspursmál sé hvenær önnur hópsýking verði hérlendis en sú fyrsta varð í Efstadal árið 2019 þegar 22 börn veiktust.

Frétt af mbl.is

Háþrýstiþvottur ein skýringin á smiti

„Í Efstadal var stía með þremur kálfum og hún var þrifin með háþrýstibúnaði og svo virðist sem bakterían hafi úðast yfir nálæg borð. Þannig að smitið í Efstadal var vegna umhverfissmits sem barst í fólk sem var að borða á staðnum,“ segir Hrólfur.

Tengdar fréttir

E. coli smit í Bláskógabyggð

Endurnýjuðu samning við brottförina á EM

• Háþrýstiþvottur ein skýringin á smiti
• Umhverfi dýranna hafi mengað ísinn
• Sýkt börn geta smitað í mánuði
• Eitt skref í einu og byrja á íssölunni

» Fleiri tengdar fréttir

• Blogga um frétt