Tækni og sjálfbærni hjá Polynorth

Polynorth hefur hafið framleiðslu á svokölluðum húskubbum úr frauðplasti og er með sérstöðu á íslenskum markaði hvað það varðar þar sem það er eina slíka fyrirtækið á landinu. Í kubbana er notað EPS-plast (e. expanded polystyrene).

Eiginleikar og ávinningur EPS-kubba

EPS-plast, sem notað er í kubbana, býður upp á framúrskarandi einangrunareiginleika með lægri varmaleiðni en mörg önnur einangrunarefni sem minnkar verulega kyndingarkostnað. Þessi eiginleiki, ásamt því að efnið er stöðugt og breytist hvorki við hita né kulda, gerir það að verkum að mygla og aðrar lífverur eiga erfitt með að þrífast í slíku umhverfi, sem eykur byggingaröryggi og langlífi mannvirkja.

Norðurljósin svífa yfir Polynorth

Tækninýjungar og reiknivél

Polynorth hefur tekið skrefið lengra í þróun tæknilegra lausna fyrir byggingariðnaðinn með því að innleiða sérstaka reiknivél á heimasíðu sinni. Þessi tækninýjung gerir viðskiptavinum kleift að slá inn flatarmál og ummál bygginga, og reiknivélin sér um að reikna út nákvæmt magn af steypu, stáli og kubbunum sjálfum, og jafnvel gefa áætlað verð fyrir fullkláraðar einingar eins og sökkul, gólfplötu og veggi.

Áhersla á sjálfbærni og
endurnýtingu

Auk þessa er mikil áhersla lögð á endurnýtingu allra afganga. Allt frauðplast sem ekki er notað í framleiðslu er hakkað niður og endurnýtt, hvort sem það er frá eigin verksmiðju eða skilað af viðskiptavinum. Þetta er liður í að minnka umhverfisfótspor fyrirtækisins og styðja við hugmyndafræði um sjálfbæra framleiðslu.

Polynorth stendur nú þegar frammi fyrir aukinni eftirspurn og viðurkenningu á markaði fyrir nýskapandi og umhverfisvænar byggingarlausnir sínar, og sýnir þannig fram á mikilvægi og möguleika plastkubbatækninnar í nútímabyggingariðnaði. Fyrirtækið er í fararbroddi í að þróa og framleiða lausnir sem ekki aðeins mæta núverandi þörfum byggjenda heldur einnig framtíðarhorfum um sjálfbærni og gæði.

Fólk og ferfætlingar kunna að meta grjónapúða með fyllingu frá Polynorth

• Blogga um frétt