Brasilíumaðurinn Joelinton skoraði glæsilegt mark fyrir Newcastle United þegar liðið lagði Nottingham Forest að velli, 3:1, í ensku úrvalsdeildinni í knattspyrnu karla á sunnudag.

Joelinton kom Newcastle í 2:1 með laglegu skoti sem fór í stöngina og inn. Alexander Isak og Harvey Barnes komust einnig á blað.

Murillo hafði komið heimamönnum í Forest yfir í fyrri hálfleik áður en Newcastle sneri taflinu við.

Svipmyndir í úr leiknum má sjá í spilaranum hér að ofan en mbl.is færir ykkur efni úr enska boltanum í samstarfi við Símann Sport.