Tomás Soucek og Aaron Wan-Bissaka skoruðu lagleg mörk West Ham United í kærkomnum útisigri liðsins á Newcastle United, 2:0, í ensku úrvalsdeildinni í knattspyrnu í gærkvöldi.
Soucek kom Hömrunum yfir snemma leiks með góðum skalla og Wan-Bissaka bætti öðru markinu við í síðari hálfleik með sínu fyrsta marki fyrir liðið.
Svipmyndir úr leiknum má sjá í spilaranum hér fyrir ofan en mbl.is færir ykkur efni úr enska boltanum í samstarfi við Símann Sport.
