„Þeir pressa bara eins og Tottenham gerir. Ef það virkar lítur það rosalega vel út,“ sagði Eiður Smári Guðjohnsen í Vellinum á Símanum Sport í gærkvöldi.

Þar ræddu þau Eiður Smári, Margrét Lára Viðarsdóttir og þáttastjórnandinn Hörður Magnússon um magnaðan 4:0-sigru Tottenham Hotspur á Manchester City á laugardag.

„Ef það virkar ekki þá er þetta svona önnur hver helgi hjá Tottenham, þeir tapa eða vinna,“ bætti Eiður Smári við er hann ræddi leikstíl Tottenham, sem markast af því að pressa ávallt hátt á vellinum.

Umræðuna um Tottenham má sjá í heild sinni í spilaranum hér að ofan.