Banda­ríska geim­ferðastofn­un­in (NASA) hyggst fresta áætl­un sinni um að senda mannað geim­far á tunglið frá ár­inu 2025 til árs­ins 2026 vegna tækni­legra örðug­leika.

Frétt af mbl.is

Sam­komu­lag við NASA

NASA til­kynnti Artem­is-áætl­un­ina árið 2017. Hún er nefnd eft­ir grísku gyðjunni og syst­ur Apollo, en það var ein­mitt með Apollo-áætl­un­inni sem menn gengu fyrst á tungl­inu.

Með Artem­is-áætl­un­inni á að afla frek­ari upp­lýs­inga um tunglið og þá er áætl­un­in hugsuð sem ákveðinn und­ir­bún­ing­ur fyr­ir mannaðar ferðir til Mars.

Næsta ferð í sept­em­ber 2025

Fyrsta geim­ferðin, Artem­is 1, átti sér stað árið 2022 eft­ir að hafa verið frestað nokkr­um sinn­um. 

Frétt af mbl.is

Leiðang­ur til tungls­ins fram úr björt­ustu von­um

Artem­is 2 hef­ur verið frestað þar til í sept­em­ber árið 2025 en í þeirri ferð fer áhöfn út í geim en mun þó ekki lenda á tungl­inu. 

Í geim­ferðinni Artem­is 3 er gert ráð fyr­ir að fyrsta kon­an og fyrsta mann­eskj­an sem er ekki hvít á hör­und lendi á suður­póli tungls­ins. Sú geim­ferð á að eiga sér stað í sept­em­ber árið 2026. 

Geim­far­arn­ir Reid Wisem­an og Victor Glover, Christ­ina Koch, Jeremy Han­sen eiga að lenda með Artem­is 3 á tungl­inu árið 2026. AFP/​Brend­an Smialowski

„Öryggi er í for­gangi hjá okk­ur, og að gefa teymun­um sem vinna að Artem­is meira tíma til þess að leysa áskor­an­ir,“ sagði Bill Nel­son, for­stjóri NASA, í dag.

NASA ætl­ar einnig að byggja geim­stöð á tungl­inu, Gateway, til þess að auðvelda geim­ferðum að lenda á tungl­inu. 

Tengd­ar frétt­ir

Artem­is-geimáætl­un­in

378 dag­ar á „Mars“ – „Eruð þið til­bú­in að koma út?“

• DNA úr skap­ara Star Trek á leið til Tungls­ins
• Sam­komu­lag við NASA
• Stytt­ist í mannað geim­far á tungl­inu
• Á of­ur­hraða til Mars með kjarn­orku­knún­um eld­flaug­um

» Fleiri tengd­ar frétt­ir

• Blogga um frétt