Elliðaárnar á sama róli og í fyrra

Odd Stenersen árnefndarmaður í Elliðaánum er duglegur við að halda utan um veiðitölur og tölfræði fyrir árnar. Í gærkvöldi birti hann sína nýjustu samantekt

Í  gærkvöldi var búið að veiða 527 laxa, 299 á maðk og 228 á flugu. Þar hefur  88 löxum verið sleppt aftur.

Þetta er nánast sama veiði og á sama tíma í fyrra þegar 525 voru komnir á land. Meðalveiði á dag hingað til í júlí er 2,71 laxar á stöng, sem gefir meðalveiði á stöng á vakt 1,36 laxar á stöng.

Meðalveiði á stöng á dag í júní var 3,86 laxar á stöngina sem gerir meðalveiði á stöng á vakt 1,93 laxar á stöng, en kvóti er tveir laxar á hverja stöng á vakt.

Aflahæstu veiðistaðir eru: Sjávarfoss (154), Neðri Breiða (52), Hundasteinar(43), Teljarastrengur (42), Míðkvörn (38), Kerlingaflúðir (38) og Hraunið(32).

Flugusvæði er núna byrjað að gefa vel og gaf síðust 10 daga 101 laxa á  meðan svæðið fyrir neðan Hundasteinar og niður að sjó gaf 102 laxar.

Aflamestu flugur eru Sunray Shadow (45), Svartur Francis (29), rauður Francis (23), Collie dog(9) og Haugur (8).

Stærsti laxinn hingað til er 80 cm hrygna sem Þórður Magnússon veiddi þann 26. júní í Sjávarfossi á maðk.

• Blogga um frétt

Seinustu hundraðkallar sumarsins