Boðið verður upp á flugukastnámskeið í Hádegismóum og við Rauðavatn þann 15. maí næstkomandi. Það eru tuttugu pláss í boði og þrír kennarar munu leiðbeina þátttakendum. Allir eru kennararnir vottaðir F.F.I. kastkennarar. Um 1.400 slíkir kennarar eru í heiminum í dag og þar af eru þrír á Íslandi. Þeir verða allir að leiðbeina á námskeiðinu.
Meðlimir Moggaklúbbsins geta skráð sig á námskeiðið með því að senda tölvupóst á netfangið marialilja@mbl.is og tryggt sér þátttöku. Verð er hófstillt eða 9.900 kr á mann. Byrjað verður í húsnæði Morgunblaðsins og þar boðið upp á léttar veitingar og kynningu á veiðibúnaði frá Veiðihorninu í Síðumúla. Ólafur og María, eigendur verslunarinnar verða á staðnum og fara yfir undirstöðuatriði.
Því næst tekur Börkur Smári Kristinsson F.F.I. kennari við og fer yfir glærur fleira til að sýna hvernig flugu er kastað. Að þessu loknu verður farið niður að Rauðavatni og þar fá þátttakendur verklega kennslu og leiðbeiningar. Gott getur verið að koma með sínar græjur ef menn vilja læra betur á þær, en annars verður búnaður til staðar fyrir þátttakendur og sérlega hagstæð tilboð á veiðibúnaði.
Rétt er að vekja athygli á heimasíðu Barkar og félaga því að þar má nálgast mikinn fróðleik um fluguköst. www.flugukast.is
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |