Góð veiði var á fyrstu vakt í morgun á Urriðafosssvæðinu í Þjórsá, en á fyrstu tveimur klukkutímunum var búið að setja í tíu laxa en aðeins búið að landa einum.
Menn byrjuðu að veiða með flugu og settu í marga laxa sem misstust. Þegar byrjað var svo að beita maðki þegar leið á morguninn gekk betur að halda laxinum.
Að sögn Hörpu Hlínar Þórðardóttur var 12 löxum landað á fyrstu vaktinni á stangirnar fjórar og ljóst að mikið af laxi er þegar komið á svæðið. Allt var þetta fallegur tveggja ára lax og virðist koma vel haldinn úr hafi.
Eftir hádegið hélt veislan áfram og var búið að bæta átta við um klukkan 20:00.
Þverá og Norðurá í Borgarfirði opna svo á þriðjudaginn og Blanda í kjölfarið daginn eftir.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |