Þegar veiðimenn tóku hádegishlé á fyrsta veiðidegi sumarsins í Þverá í Borgarfirði kom í ljós að búið var að landa samtals sex löxum við erfið skilyrði.
Að sögn Egils Kristinssonar leiðsögumanns við ána þá er bálhvöss norðanátt með glampandi sólskini og hiti var rétt um fjórar gráður þegar menn gengu til veiða í morgun. Menn áttu í fullu fangi með að hafa sig við veiðarnar sökum kulda.
Fimm af þessum löxum sem komu upp úr Brennu, en einn úr Kaðalstaðastreng. Þá kvaðst Egill vita um allavega einn lax sem lak af í Kirkjustreng rétt áður en háfnum var komið undir hann. Allir laxarnir í Brennunni hefðu verið með halalús og því ljóst að talsverð ganga hafi komið inn í Hvítá sem ætti eftir að skila sér upp í Þverá.
Menn hefðu orðið varir við laxa nokkuð víða um ána og sagði Egill að þó áin væri óvenju vatnslítil miðað við árstíma þá hefði hann oft séð hana í verra ástandi yfir mitt sumarið.
Þá væri viðbúið að talsvert af fiski væri þegar genginn lengra innúr, upp í Kjarrá, enda talsvert síðan menn urðu varir við fyrstu laxana. Veiði í Kjarrá hefst á næstkomandi laugardag.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |