Á undanförnum vikum hefur verið unnið hörðum höndum að því að byggja stæði fyrir teljara neðst í gljúfrunum í Langadalsá við Ísafjarðardjúp. Lauk því verki fyrir nokkrum dögum og synti fyrsti laxinn þar í gegn í nótt.
Teljarinn er nútímalegur með myndavél og lengdarmæli og er nú orðinn virkur. Lét fyrsti laxinn sýna sig í teljaranum síðastliðna nótt og var það tröllslegur 103 cm hængur sem gekk í gegn klukkan 03:56. Hægt er að sjá myndskeið af stórlaxinum hér.
Það er íslenska fyrirtækið Vaki sem framleiðir þennan teljara í Langdalsánni en þeir kallast Riverwatcher og hafa verið setti niður víða um heim. Hægt er að fylgjast með laxagöngum inn á RiverWatcher þar sem myndskeið eru tekin af hverjum laxi sem gengur í gegnum þessa teljara.
Veiði hefst í Langadalsá næstkomandi mánudag.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |