Það er mikið af laxi í Laxá í Dölum en hann er ekki mjög tökuglaður í því sumarveðri sem þar hefur verið. Áin er mjög vatnslítil og fiskurinn bunkar sig saman. Það er ljóst að rigningar munu breyta þessu ástandi og einhverjir veiðimenn eiga eftir að lenda þarna í bingói.
Jón Þór Júlíusson, einn af aðstandendum Hreggnasa ehf sem er með Dalina á leigu tók þessar myndir fyrir skemmstu og sé greinilega hversu þykk og mikil laxatorfan er neðarlega í Kristnipolli. Þetta er einn af lykilstöðum árinnar og geymir hann ávallt mikið magn af fiski. Þetta er þó bara neðri hlutinn og oft er enn meira af fiski ofar í veiðistaðnum.
Hinn veiðistaðurinn er Dönustaðagrjót þar sem einnig er mikið af fiski og þessar ljósmyndir Jóns sýna svo ekki verður um villst að það er nóg af honum. Það er hins vegar nauðsynlegt að fá meira vatn og þá gerast ævintýri eins og svo oft í Dölunum síðsumars.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |