Maðkaopnanir í Rangánum, bæði ytri og eystri gáfu ríflega átta hundruð laxa. 435 var landað í Ytri-Rangá, síðustu viku og í Eystri-Rangá komu 380 laxar á land. Báðar árnar opnuðu fyrir blandað agn um mánaðamótin.
Ytri-Rangá er með mestu veiðina það sem af er sumri, eða 2.822 laxa. Hún er nú þegar komin yfir heildarveiði síðustu tveggja ára, en veiðin er samt dræm miðað við það sem hún hefur verið að gefa ef þessi þrjú ár eru undanskilin.
Eystri-Rangá er með tæplega 2.600 laxa og telst það ágætt meðal ár í Eystri-Rangá ef horft er rúman áratug aftur í tímann. Árið í fyrra þegar hún gaf ríflega níu þúsund laxa er undtantekning og besta veiði sem hefur verið þar.
Miðfjarðará er í þriðja sæti, samkvæmt angling.is, sem er vefur Landssambands veiðifélaga og tekur vikulega saman heildartölur úr flestum laxveiðiám. Í Miðfirði hafa verið bókaðir 1.428 laxar og stefnir hún í að vera á pari við síðustu tvö ár.
Norðurá er komin í 1.337 laxa og er það betri veiði en bæði árin 2019 og 2020, gáfu.
Þverá/Kjarrá er meðl um tólf hundruð fiska og þriðja lélega sumarið þar.
Haffjarðará er í sjötta sæti með 839 laxa, Þá kemur Urriðafoss í Þjórsá en þar hafa ekki verið skráðir margir laxar síðari hluta sumars.
Laxá í Kjós, Selá í Vopnafirði og Langá eru svo allar með rétt rúmlega sjö hundruð laxa.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |