Frá og með 1. febrúar munu nýjungar frá IKEA líta dagsins ljós. Og það sem einkennir flestallar vörurnar er að hér hefur verið hugað að umhverfinu í hönnunarferlinu.

Við erum til dæmis að sjá gardínur sem eru framleiddar úr endurunnum plastflöskum, en þær eru líka gæddar þeim eiginleikum að eiga að bæta loftið innandyra.

 
Eins er mikið úrval af körfum sem framleiddar eru úr bambus og bananatrefjum. En annað fallegt sem gleður augað eru m.a. lampar með ópalgleri sem koma sem stand-, borð- og loftljós.