Þórdís Kjartansdóttir lýtalæknir á Dea Medica hefur gert tæplega 500 svuntuaðgerðir með sinni eigin aðferð. Hún hefur kynnt aðferðina á læknaþingum erlendis og hefur aðferðin mælst vel fyrir. Í Frakklandi kallast aðferðin La méthode de Thordis en hún gengur út á að nota ekki dren heldur festir hún húðina við vöðvana þannig að magavöðvar verði sýnilegri eftir aðgerð. Þórdís segir frá þessu í Dagmálsþætti dagsins. 

„Áður en ég byrjaði á þessari vegferð með svunturnar þá var búið að sýna fram á að ef þú festir niður húðina á undirliggjandi vöðva þá þarftu ekki dren. Þegar þú ert búin að taka svuntuna og strekkja á húðinni þá er húðin laus á og ekki föst við undirlagið,“ segir Þórdís sem hefur gert ótalmargar slíkar aðgerðir upp á síðkastið.

Sér í lagi vegna aukningar á hjáveituaðgerðum hjá fólki og inntöku á megrunarlyfjum. Þegar fólk hefur misst mikla líkamsþyngd vill það gjarnan losna við auka húð sem myndast við þyngdartap. Slíkar aðgerðir kallast svuntuaðgerðir. Þórdís segir að aðferðin hennar sé sársaukaminni og henni fylgi einnig minni sýkingarhætta. 

„Mér finnst mjög gaman að skera upp“

Lesendur Smartlands þekkja Þórdísi vel en hún hefur svarað spurningum frá lesendum frá upphafi. Ef þér liggur eitthvað á hjarta getur þú sent Þórdísi spurningu HÉR. 

Tengdar fréttir

Spurðu lýtalækninn

„Hvenær ertu sátt við að verða ellikerling?“

• Mikil fjölgun á lýtaaðgerðum vegna megrunarlyfja
• Er hægt að fá ríkið til að niðurgreiða svuntuaðgerð?
• Getur 72 ára farið í svuntuaðgerð?
• Sextug í nýju sambandi og langar í brjóstalyftingu

» Fleiri tengdar fréttir

• Blogga um frétt