25. umferð: Kominn í fámennan hóp
Setja bókamerki
Birkir Már Sævarsson, bakvörðurinn reyndi í Val, komst í gærkvöld í fámennan hóp íslenskra knattspyrnumanna.
Hann lék sinn 450. deildaleik á ferlinum þegar Valsmenn sigruðu Breiðablik 4:2 á Hlíðarenda og er aðeins sautjándi Íslendingurinn í sögunni sem nær þeim leikjafjölda. Af þessum 450 leikjum eru 187 með Val í efstu deild hér á landi og 252 í efstu deildum Svíþjóðar og Noregs.
Patrick Pedersen skoraði þrennu í sigri Vals og er þar með einn í sjötta sætinu yfir markahæstu menn deildarinnar frá upphafi. Patrick er nú kominn með 98 mörk og gæti orðið sjötti 100 marka maður deildarinnar áður en tímabilinu lýkur.
Þetta er sjötta þrenna Patricks í deildinni, frá því hann skoraði tvær þær fyrstu árið 2018, og fjórða árið í röð sem hann nær að skora þrennu. Patrick hefur skorað þrennurnar gegn sex liðum, Grindavík, ÍBV, HK, Fylki, Stjörnunni og nú Breiðabliki.
Aðeins þrír leikmenn í sögu deildarinnar hafa skorað fleiri þrennur. Hermann Gunnarsson skoraði níu slíkar og þeir Tryggvi Guðmundsson og Þórólfur Beck sjö hvor. Arnar Gunnlaugsson, þjálfari Víkings, skoraði sex þrennur.
Eiður Aron Sigurbjörnsson, miðvörðurinn reyndi hjá ÍBV, lék sinn 200. leik í efstu deild hér á landi þegar Eyjamenn sóttu KA heim í gær. Af þessum 200 leikjum eru 132 fyrir ÍBV og hinir 68 fyrir Val en Eiður hefur jafnframt spilað 22 leiki í 1. deild með ÍBV og 43 deildaleiki erlendis á ferlinum.
Jón Ingason skorar ekki í hverjum leik fyrir ÍBV en hann skoraði sitt annað mark á ferlinum í efstu deild, í 121 leik, þegar hann jafnaði gegn KA á Akureyri í gær, 1:1, með glæsilegu skoti úr aukaspyrnu. Jón skoraði áður gegn Grindavík á Hásteinsvelli árið 2020.
Markamet HK í efstu deild féll eina ferðina enn á þessu tímabili þegar Atli Arnarson skoraði snemma leiks fyrir Kópavogsliðið gegn Fylki í jafnteflisleik liðanna, 2:2. Það var 15. mark Atla fyrir HK í deildinni og hann fór á ný fram úr félaga sínum Arnþóri Ara Atlasyni.
Jón Jökull Hjaltason lék sinn fyrsta leik í efstu deild þegar hann kom inn á sem varamaður hjá ÍBV gegn KA.
Víkingar urðu fyrstir í sögunni til að skora 70 mörk í efstu deild karla. Nikolaj Hansen skoraði 70. markið þegar hann tryggði þeim sigurinn á FH, 2:1.
Emil Atlason er kominn með 17 mörk fyrir Stjörnuna þegar tveimur umferðum er ólokið. Hann á því ágæta möguleika á að jafna markametið, sem er 19 mörk, og jafnvel verða sá fyrsti til að skora 20 mörk í deildinni á einu tímabili.
Úrslitin í 25. umferð:
Valur - Breiðablik 4:2
Víkingur R. - FH 2:1
Stjarnan - KR 2:0
KA - ÍBV 2:1
Fram - Keflavík 3:1
HK - Fylkir 2:2
Markahæstir í deildinni:
17 Emil Atlason, Stjörnunni
12 Nikolaj Hansen, Víkingi
12 Birnir Snær Ingason, Víkingi
11 Patrick Pedersen, Val
11 Tryggvi Hrafn Haraldsson, Val
10 Stefán Ingi Sigurðarson, Breiðabliki
10 Danijel Dejan Djuric, Víkingi
9 Kjartan Henry Finnbogason, FH
8 Adam Ægir Pálsson, Val
8 Eggert Aron Guðmundsson, Stjörnunni
8 Fred Saraiva, Fram
7 Aron Jóhannsson, Val
7 Benoný Breki Andrésson, KR
7 Benedikt Daríus Garðarsson, Fylki
7 Gísli Eyjólfsson, Breiðabliki
7 Guðmundur Magnússon, Fram
7 Gyrðir Hrafn Guðbrandsson, FH
7 Hallgrímur Mar Steingrímsson, KA
7 Örvar Eggertsson, HK
6 Arnþór Ari Atlason, HK
6 Aron Jóhannsson, Fram
6 Atli Arnarson, HK
6 Ásgeir Sigurgeirsson, KA
6 Davíð Snær Jóhannsson, FH
6 Ísak Andri Sigurgeirsson, Stjörnunni
6 Sami Kamel, Keflavík
6 Úlfur Ágúst Björnsson, FH
Næstu leikir:
1.10. KR - Breiðablik
1.10. Valur - FH
1.10. Keflavík - Fylkir
1.10. Fram - KA
1.10. HK - ÍBV
2.10. Stjarnan - Víkingur R.
/frimg/1/53/25/1532548.jpg)
Lokað þinghald í menningarnæturmáli
Mega lækka lífeyrisrétt yngra fólks
Útboðið án samþykkis ráðuneytis
/frimg/1/53/24/1532413.jpg)
Samdráttur í auglýsingakaupum hjá íslenskum miðlum
„Nú er nóg komið“
Dæmi eru um að fólk tárist
