Arsenal féll úr leik í München
Setja bókamerki
Bayern München er komið áfram í undanúrslit Meistaradeildar Evrópu í fótbolta eftir 1:0-heimasigur á Arsenal í seinni leik liðanna í átta liða úrslitum í kvöld. Liðin skildu jöfn, 2:2, í fyrri leiknum og vann Bayern einvígið því 3:2.
Lítið var um opin færi í frekar lokuðum fyrri hálfleik en Gabriel Martinelli fékk besta færið fyrir Arsenal á 31. mínútu er hann skaut beint á Manuel Neuer úr góðu færi í teignum. Hinum megin skaut Jamal Musiala af 20 metra færi og David Raya í marki Arsenal sló boltann fá.
Strax í upphafi seinni hálfleiks voru Bæjarar í tvígang nálægt því að skora fyrsta markið. Fyrst átti Leon Goretzka skalla í stöng og í kjölfarið barst boltinn á Raphaël Guerreiro sem skaut í varnarmann og í stöngina og Arsenal-menn sluppu með skrekkinn.
Arsenal-menn sluppu ekki eins vel á 63. mínútu er bakvörðurinn Joshua Kimmich skoraði fyrsta markið með skalla af stuttu færi eftir fyrirgjöf frá Guerreiro frá vinstri.
Bayern-menn vörðust gríðarlega vel eftir markið, gáfu engin færi á sér og hinum megin lögðu þeir lítið kapp á að bæta við marki. Sigldi þýska liðið því sigrinum örugglega í höfn og fer áfram í undanúrslitin í fyrsta skipti frá árinu 2020, er liðið varð meistari.
Fylgst var með gangi mála í beinni textalýsingu á mbl.is.
| Bayern München | 1:0 | Arsenal |
|
|---|---|---|---|
| Jamal Musiala (Bayern München) á skot sem er varið Laust skot úr teignum eftir hættulega skyndisókn. Illa farið með gott tækifæri til að klára þetta. | |||
Fylgið á hreyfingu tvist og bast
Ökuníðingur enn í haldi – „Mildi að ekki fór verr“
Landrisið gæti hafa stöðvast og gosið virðist eflast
„Mjög ánægður með útkomuna“
Hægist á eftir mikinn uppgang
Óásættanlegt hversu langan tíma viðræður hafa tekið
11 verða í framboði til embættis forseta Íslands