Tryggvi Snær Hlinason, landsliðsmaður í körfubolta, lék vel með Zaragoza á Spáni áður en tímabilinu þar í landi var frestað vegna kórónuveirunnar.
Hefur hann leikið alla 23 leiki liðsins í efstu deild á tímabilinu og skorað í þeim 4,5 stig og tekið 2,3 fráköst að meðaltali. Þá lék hann afar vel í Meistaradeildinni.
Fer tímabilið af stað á Spáni á ný í júní þar sem tólf efstu liðunum verður skipt í tvo sex liða riðla. Mætast liðin innbyrðis og tvö efstu liðin í hvorum riðli fara áfram í undanúrslit. Sigurvegararnir mætast síðan í úrslitum um spænska meistaratitilinn. Fara allir leikirnir fram í Valencia.
Tryggvi og liðsfélagar hans voru í 3. sæti fyrir fríið og verða í riðli með Real Madríd, Andorra, Valencia, San Pablo og Gran Canaria.
Svipmyndir frá helstu tilþrifum Tryggva á leiktíðinni má sjá í myndbandi hér fyrir neðan sem Zaragoza birti á Twitter.
Highlights Tryggvi Hlinason - #LigaEndesa 2019-2020
— En 🏠, Casademont Zaragoza (@BasketZaragoza) May 29, 2020
🎥 Presentado por @AirHorizont_ | #CasademontZaragoza #ZaragozaIsBack🦁 pic.twitter.com/p9YFzDmJDt