Car­los Ghosn, fyrr­ver­andi stjórn­ar­formaður jap­anska bíla­fram­leiðand­ans Nis­s­an, er sannfærður um að stjórnendur Nissan standi á bak við mál á hendur honum þar sem þeir vildu koma í veg fyrir bandalag franska bílaframleiðandans Renault og japönsku bílaframleiðendanna Nissan og Mitshubishi, sem Ghosn hafði verið að vinna að.

Sak­sókn­ari í Jap­an hefur ákært Ghosn fyr­ir fjár­mála­m­is­ferli en hann var hand­tek­inn í nóv­em­ber og sakaður um að hafa ekki gefið rétt­ar upp­lýs­ing­ar um laun sín og fyr­ir að hafa notað eign­ir fyr­ir­tæk­is­ins til per­sónu­legra nota utan vinnu­tíma.

Frétt af mbl.is

Ghosn beittur harðræði í fangelsinu

Ghosn er enn í haldi í Japan og bíður þess að koma fyrir dóm þar sem mál hans verður tekið fyrir. Ghosn hefur nú tjáð sig í fyrsta skipti við fjölmiðla eftir handtökuna og segir hann í samtali við Nikkei business daily, og BBC fjallar um, að ósætti vegna bandalags bílaframleiðendanna þriggja hafi leitt til handtöku hans og standi stjórnendur Nissan á bak við hana.

Ghosn vildi að þegar bandalagið væri frá gengið yrði það ljóst að ein stjórn næði yfir alla framleiðendurna. Það hafi Hiroto Saikawa, forstjóri Nissan, ekki verið sáttur við.

Ghosn neitar öllum ásökunum en mun að öllum líkindum sitja áfram í varðhaldi í Japan, jafnvel svo mánuðum skiptir, á meðan málsmeðferðinni stendur.

Frétt af mbl.is

Ghosn segist vera saklaus

Tengdar fréttir

Car­los Ghosn

„Loksins fékk ég að segja frá“

• Feðgar framseldir vegna flótta Ghosn
• Feðgar handteknir í tengslum við flótta Ghosn
• Nissan krefur Ghosn um 11 milljarða í skaðabætur
• „Hefur þú einhvern tímann verið í kassa?“

» Fleiri tengdar fréttir

• Blogga um frétt