Óvænt látinn laus gegn tryggingu
Setja bókamerki
Fyrrverandi stjórnarformaður Nissan, Carlos Ghosn, verður ekki heimilt að yfirgefa Japan en verður látinn laus gegn tryggingu. Þetta er ákvörðun hæstaréttar Japans og kom ákvörðunin mjög á óvart því í tvígang hefur dómurinn hafnað beiðni lögmanna Ghosn um lausn gegn tryggingu.
Greiða þarf einn milljarð jena í tryggingu fyrir forstjórann og greina japanskir fjölmiðlar frá því að hann muni væntanlega verða látinn laus síðar í dag. Ýmis skilyrði eru sett fyrir lausninni til þess að koma í veg fyrir að hann geti haft áhrif á rannsókn málsins.
Carlos Ghosn segist ekki hafa tekið svo mikið sem eitt jen ófrjálsri hendi í starfi sínu hjá japanska bílaframleiðandanum. Hann segir stjórnendur Nissan að baki handtökunni. Hann er ákærður fyrir fjármálamisferli.
Hann var handtekinn í nóvember og sakaður um að hafa ekki gefið réttar upplýsingar um laun sín og fyrir að hafa notað eignir fyrirtækisins til persónulegra nota utan vinnutíma og hefur síðan þá verið í varðhaldi. Sjálfur segir Ghosn tímalengd varðhaldsins og þær aðstæður sem hann sætir þar ekki eðlilegar en hann hefur setið rúma þrjá mánuði í varðhaldi.
Skiptar skoðanir um frestun landsfundar
Fór 300 ferðir upp Esjuna á árinu
Álíta Ísland ekki umsóknarríki
Fólk á fleiri en 30 bifreiðum þurfti aðstoð
Björgunarsveitir kallaðar út fyrir norðan
Biðst afsökunar á „hræðilegu atviki“
Stór gagnaleki opinber mánuðum saman
