Síðastliðið ár var ekki hagfellt íslenskum lífeyrissjóðum og snarpur viðsnúningur varð frá góðri ávöxtun á árinu á undan, þar sem þróunin á verðbréfamörkuðum varð mjög óhagstæð eftir miklar hækkanir áranna á undan.

Sjóðirnir munu að öllum líkindum birta á næstu dögum og vikum yfirlit úr ársreikningum sínum fyrir árið 2022 og hafa þegar nokkrir þeirra birt upplýsingar um afkomuna á seinasta ári.

Landssamtök lífeyrissjóða hafa áætlað að á heildina litið hafi raunávöxtun lífeyrissjóða verið neikvæð um tæplega 12% á árinu 2022.

Lífeyrissjóður starfsmanna Reykjavíkurborgar (LSRB) er meðal þeirra fyrstu sem birt hafa ársreikning fyrir síðastliðið ár og kemur í ljós að nafnávöxtun eignasafns sjóðsins var neikvæð um 1,7% og raunávöxtunin var neikvæð um 10,1%.

Hrein eign sjóðsins til greiðslu lífeyris í fyrra var um 87,2 milljarðar kr. og heildareign sjóðsins umfram skuldbindingar nam 15,5 milljörðum. Sjóðurinn nýtur bakábyrgðar Reykjavíkurborgar.

Nán­ari um­fjöll­un er að finna í Morg­un­blaðinu í gær. 

Tengdar fréttir

Lífeyrismál

Taka á sig 11% lækkun

• Eiga að vera áhyggjulaus ævikvöld, ekki áhyggjufull
• Besta lífeyriskerfið á Íslandi
• Gild rök fyrir fækkun lífeyrissjóða
• Erlendar eignir lækkuðu um 21 milljarð

» Fleiri tengdar fréttir