Bréf líftæknifyrirtækisins Oculis verða tekin við viðskipta á Aðalmarkaði Kauphallarinnar á morgun, þriðjudag.
Í tilkynningu frá Kauphöllinni í dag kemur fram að Kauphöllin hafi samþykkt að taka bréfin til viðskipta. Rúmlega 45,4 milljónir hluta verða skráðir hér á landi, en félagið er nú þegar skráð á Nasdaq markaðinn í New York.
Nýlega var greint frá því að Oculis hefði sótt sér um átta milljarða króna (um 59 milljónir bandaríkjadala) í hlutafjáraukningu frá fagfjárfestum hér á landi og núverandi hluthöfum. Verðið í hlutafjárútboðinu var $11.75 á hvern hlut. Það fjármagn á að nýta til að efla og hraða klínískum prófunum félagsins og auka við rekstrarfé.
Oculis var upphaflega stofnað á Íslandi af Dr. Einari Stefánssyni, prófessor í augnlækningum og Dr. Þorsteini Loftssyni, prófessor í lyfjafræði.