Eina tilboðið í slipptöku Freyju ógilt
Setja bókamerki
Aðeins barst eitt tilboð í slipptöku varðskipsins Freyju og var það frá norsku fyrirtæki. Eftir skoðun var tilboðið metið ógilt, að því er fram kemur í Morgunblaðinu í dag.
Ríkiskaup auglýstu eftir tilboðum í slipptöku Freyju og var opnunardagur 19. febrúar síðastliðinn en þyngdardreifing Freyju hentar ekki íslenskum slippum og því barst ekkert íslenskt tilboð.
Eina tilboðið var frá skipasmíðastöðinni GMC Yard as. í Stavanger í Noregi. Hljóðaði það upp á tæplega 700 þúsund evrur, eða jafnvirði 104 milljóna íslenskra króna. Kostnaðaráætlun hljóðaði upp á 657 þúsund evrur, jafnvirði 98 milljóna íslenskra króna.
„Ákveðnir fyrirvarar voru í tilboði GMC sem gerðu það að verkum að tilboðið var metið ógilt. Þar sem fyrirtækið var eini aðilinn sem skilaði tilboði var ákveðið að ganga til samningaviðræðna við GMC, sem standa nú yfir,“ segir Ásgeir Erlendsson upplýsingafulltrúi Landhelgisgæslunnar í svari við fyrirspurn Morgunblaðsins.
Umfjöllunina má lesa í heild sinni í Morgunblaðinu í dag.
Telur að Rússar herði sókn sína í norðaustri
Fann bein og tönn úr dýrum í sprungunni
Húsnæðisstuðningur framlengdur til áramóta
„Ég hélt ég myndi deyja, með dóttur mína í bílnum“
Fordæmir leyndarhyggju í skólamálum
„Trúlega rákumst við saman“
Rannsaka drómasýki í hestum
Fannari líst ágætlega á aðgerðirnar