Strandveiðar hófust í dag og lögðu því fjölmargir bátar frá bryggju snemma í morgun. Alls eru nú 825 bátar á sjó umhverfis Ísland í fjareftirliti stjórnstöðvar Landhelgisgæslunnar, upplýsir Ásgeir Erlendsson upplýsingafulltrúi stofnunarinnar.

Hann segir mikið hafa verið um að vera í stjórnstöð stofnunarinnar í morgun vegna þess fjölda báta sem eru á ferðinni.

Ásgeir minnir á að það sé skylda fyrir alla strandveiðibáta að tilkynna Landhelgisgæslunni brottför til hafnar á VHF rás 9 eða með smáforritinu VSS. Einnig þurfa haffæri að vera í gildi en óheimilt er að hefja sjóferð nema að gilt haffærisskírteini sé um borð og áhöfn sé lögskráð.

MArgir strandveiðibátar lögðu frá bryggju í morgun. (Mynd úr safni) mbl.is/Hafþór Hreiðarsson

Vekur hann einnig athygli á því að á sjó er skylduhlustvarsla á VHF rás 16.

„Rásin er neyðar- og uppkallsrás og því mikilvægt að sjófarendur viðhafi hlustun á rásina allan tímann sem skip er á sjó. Þannig geta önnur skip og bátar, sem og stjórnstöð LHG náð sambandi um borð sé þess þörf. Slíkt er sérlega mikilvægt ef slys verður því næstu skip eru mögulega fyrst til björgunar. Sé talstöð stillt á vinnurás skal nota svokallaða tvöfalda hlustun eða „dual watch“ til að talstöðin fylgist einnig með rás 16,“ segir í svari hans við fyrirspurn 200 mílna um eftirlit á fyrsta degi strandveiða.

Tengdar fréttir

Landhelgisgæslan

Enn er óráðið með útgerð varðskipa

• Annasamt hjá áhöfnum Landhelgisgæslunnar
• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð

» Fleiri tengdar fréttir

Strandveiðar

Boða til kröfufundar

• Leyfissvipting stytt þrátt fyrir alvarleg brot
• Heimildirnar klárast hratt
• Lifnar yfir smábátahöfninni á Brjánslæk
• Þorskafli strandveiðibáta jókst á öllu landinu

» Fleiri tengdar fréttir

• Blogga um frétt