Enn drepast fiskar í stórum stíl
Setja bókamerki
Arnarlax brást rétt við tjóni á sjókvíum sínum í kjölfar óveðurs sem gekk yfir 11. febrúar, með því að setja af stað verkferla til að koma í veg slysasleppingu og tilkynna tjónið til Matvælastofnunar og framleiðenda búnaðar. Þetta kemur fram í tilkynningu frá Matvælastofnun.
Segir í henni að ekki sé talið að hægt hefði verið að koma í veg fyrir tjónið og voru viðbrögð við hæfi miðað við aðstæður.
Sýkingar verri við lágan sjávarhita
„Krufning á dauðum fiskum sem fluttir höfðu verið úr laskaðri sjókví Arnarlax í Tálknafirði leiddi í ljós einkenni sem benda til blóðeitrunar af völdum sárasýkinga. Við flutninginn úr laskaðri sjókví í aðrar kvíar skaddast fiskurinn á roði, sporði og uggum og verður berskjaldaður fyrir sýklum á roði og í umhverfi hans. Við lágan sjávarhita verða slíkar sýkingar verri,“ segir í tilkynningu stofnunarinnar.
„Afföll fiska í umræddri kví í Tálknafirði voru í upphafi 53.110 fiskar af 194.259. Enn eru fiskar að drepast í stórum stíl úr þeim hópi vegna atviksins og verður umfang ekki ljóst fyrr en eftir nokkra mánuði. Gera má ráð fyrir talsverðum afföllum á þeim tíma.“
Áætlun í samræmi við reglugerð
Geta Arnarlax til að fjarlægja og eyða dauðum fiski á hefðbundin hátt er sögð hafa verið nægjanleg vegna atvikanna.
„Settar hafa verið gúmmíhlífar á króka á handriðum sjókvía til að fyrirbyggja að þeir geti rifið nótarpoka sem lyft hefur verið upp á þá fyrir slátrun, eins og gerðist í Arnarfirði. Verklagsreglur fyrirtækisins hafa verið uppfærðar m.t.t. þess.“
Þá er bent á að viðbragðsáætlun Arnarlax sé í samræmi við reglugerð um fiskeldi, en fyrirtækið hafi ekki skrifleg veðurfarsleg viðmið um hvenær heimilt sé að koma með bát að eldiskví. Krefst Matvælastofnun úrbóta á því.
„Umsátursástand“
Sex hafa greinst með listeríu
Gígbarmurinn hækkað frá því í gær
Telur forsendur fyrir vaxtalækkun
Hvorki sést áður hér á landi né annars staðar
Frambjóðendur skila inn listum í Hörpu
/frimg/1/48/74/1487454.jpg)
Heldur inn í nóttina tuttugu kílóum léttari